संक्षिप्त परिचय

नेपालको पश्चिमान्चल विकास क्षेत्रमा पर्ने लुम्बिनी अञ्चलका ६ वटा जिल्लाहरु मध्ये कपीलवस्तु पनि एक हो | कपिलवस्तु जिल्लाको सदरमुकाम तौलिहवा तराईका पुराना बजार मध्ये एउटा बजार मानिन्छ |कपिलवस्तु नगरपालिका २०३९ सालमा तौलिहवा नगरपञ्चायतको नामबाट स्थापना भएको थियो जसमा बरगदवा, मालपारा, पिपरी र कपिलवस्तु आदर्श गाउँ  पञ्चायतको पुरै भूभाग तथा गोटिहवा, गोबरी र तिलौराकोट गाउँ  पञ्चायतको केहि भूभाग समेटि १४ वडामा विभाजित गरिएको थियो | हालसालै २०७१ सालमा गोटीहवा र तिलौराकोट गा. बि.स. गाबियेर १९ वडा कायम गरिएको छ |कपिलवस्तु नगरपालिकाको क्षेत्रफल ६३.६१ वर्ग किलोमिटर छ | बिबिध जात जाति समुदाय बसोबास गर्दै आएको कपिलवस्तु नगरपालिका प्राचिन नगरी हो | बणगंगा नदीको किनारमा तपस्या गरि बस्ने कपिलमुनिको आज्ञा अनुसार बस्ति बसालिएको किम्बदन्ती बमोजिम यस जिल्लाको नाम कपिलवस्तु रहन गएको देखिन्छ |